А.Энхзулыг УИХ-ын Тамгын газрын Хэвлэл мэдээлэл, олон нийттэй харилцах газрын даргаар томилжээ

Улсын Их Хурал, түүний Тамгын газрын ил тод, нээлттэй байдлыг хангаж, үйл ажиллагааг хэвлэл мэдээллийн хэрэгслээр дамжуулан олон нийтэд мэдээлэх үүрэгтэй ажилладаг УИХ-ын Тамгын газрын Хэвлэл мэдээлэл, олон нийттэй харилцах хэлтэс нь газар болон өргөжжээ.

Улсын Их Хурлын Ерөнхий нарийн бичгийн даргын захирамжаар Хэвлэл мэдээлэл, олон нийттэй харилцах газрын даргаар А.Энхзулыг томилсон байна.

А.Энхзул нь 2010-2018 онд “25 дугаар суваг” телевизийн захирал, 2016-2018 онд Монголын телевизүүдийн Холбооны гүйцэтгэх захирал, 2018-2021 онд МАН-ын Хэвлэл мэдээллийн газрын дарга, 2021-2023 “Замын-Үүд” чөлөөт бүсийн захирагчаар ажиллаж байжээ.