Apple компани iPhone 14 загварынхаа шар өнгөтэй хувилбарыг танилцууллаа

Apple компани өчигдөр iPhone 14, iPhone 14 Plus бүтээгдэхүүнүүдийнхээ шар өнгөтэй хувилбарыг зах зээлд танилцуулжээ.

Тус компани өмнөх жил зах зээлд гаргасан iPhone ухаалаг гар утасныхаа борлуулалтыг сэргээхийн тулд дараагийн загварыг танилцуулахаасаа хагас жилийн өмнө буюу хугацааны яг дунд шинэ өнгөтэй хувилбараар шинэчилдэг уламжлалтай.

Жишээлбэл 2022 оны хавар Apple компани iPhone 13 загвараа ногоон өнгөтэй хувилбараар баяжуулж, жилийн дундуур борлуулалтаа сэргээж байжээ.