Хан-Уул дүүргийн ЕБ-ын 52 дугаар сургуулийн ахлах ангийн сурагчид Улсын Дээд Шүүхийн үйл ажиллагаатай танилцлаа
Хан-Уул дүүргийн ЕБ-ын сургуулийн ахлах ангийн сурагчдыг Улсын Дээд Шүүхийн үйл ажиллагаа, шүүх хуралдааны танхим, шүүгчид болон холбогдох мэргэжилтнүүдтэй уулзаж, тэдний ажлын онцлог, хэрэг хянан шийдвэрлэх ажиллагаатай танилцуулах арга хэмжээг дүүргийн ИТХ-ын Ажлын албанаас зохион байгууллаа.
Ахлах ангийн сурагчдыг Улсын дээд шүүхийн шүүгч П.Соёл-Эрдэнэ, Тамгын газрын дарга С.Заяадэлгэр нар Их танхимд хүлээн авч Үндсэн хууль, гурван шатны шүүх тэр тусмаа Улсын дээд шүүхийн чиг үүрэг, Шүүхийн академи, шүүх хуралдааны шууд дамжуулалтын талаар сурагчдад мэдээлэл өгч, хуульч болоход юунд анхаарвал зохилтой талаар ярилцаж, сонирхсон асуултад хариулт өглөө.
